2007年又接近尾聲了, 又到了一年一度普天同慶0既聖誕節...
再此..祝各位
聖誕快樂! 
原本在咁開心0既日子..唔應該分享d唔開心0既事, 但睇完昨日0既報紙..我就真是唔講唔舒服..真是估唔到而家0既社會淪落到咁樣...好得人驚..好不可思議..
話說昨日有則新聞, 是講有個11歲的男仔, 比阿媽打咗下, 就報警拉阿媽...真是好離譜..雖然我都唔讚成體罰, 但講真有d小朋友真是教極都唔聽, 所以少少體罰, 真是無可厚非, 係我地果個年代, 試問有幾多個小朋友未比父母打過..是唔是都話父母虐待, 咁我地個個0既父母都要作監啦...但我並唔是想講呢樣, 是想講在佢隔離0既另一個調查報告..是講父母比仔女打0既...我睇完之後真是"o"晒咀, 真是估唔到咁都可以成為打父母0既藉口...咁呢d仔女又要受到咩刑罰呢???
1. 阿媽唔幫手揍孫, 所以打阿媽
2. 阿媽唔幫手洗衫, 所以打阿媽
3. 78歲0既阿爸唔識教孫做功課, 所以打阿爸....
天啊, 呢個是咩世界...我睇完個心好寒....
