唔驚唔覺又一年..這一年發生了不少事...有開心有唔開心...
係呢一年家裡新增了一名新成員, 就是小侄子0既出世, 令家中開心同熱鬧不少.. 但亦煩惱不少, 因家中好久沒有這麼少的bb出現了, 大家都手忙腳亂...不過睇住小侄子日日咁大, 又真是咩都值番晒0既
, 但另一方面又增加了我的壓力, 比人問幾時輪到你啊...
但我並冇信心能夠做個好媽媽...
人地成日話, 等你做咗人阿媽, 你就知架了...雖然我唔是做人阿媽, 但我都深深感受到了, 點解咁講...
事源是自從我小侄子出生以來, 我都參與其中, 點解
因為弟婦還未是hk人 lor, 只能每次拿雙程証來回..而小侄子在hk出世, 太小了..不敢讓他媽咪帶返大陸..因小朋友太細, 驚水土不服..所以他滿月後就由我同我媽咪一起揍佢..而弟婦雖然已做第2任媽咪, 但大侄子是她的媽咪(即是大侄子的外婆)揍大, 佢毫無經驗, 而我媽咪也很久沒有揍過咁細0既小朋友, 再加上她前陣子又淥親隻手, 所以照顧小侄子的責任大部份落係我身上..搞到我"呢咁hea", 雖然我揍小朋友都有0的經驗, 但只限1歲以上,而且都是餵下佢地吃野咁jie..但而家竟然要揍一個咁細0既小bb, 由沖涼到餵奶, 真是第一次..唯有上網搵資料, 問下人, 由最初的雞手鴨腳, 手忙腳亂, 直到而家我已成為熟手技工了..呵呵~~而佢阿媽, 直到而家都未敢幫佢沖涼, 唉..真是比佢激死..如果我唔返去, 佢是唔會同佢沖涼架..我已經教咗佢..要點幫bb沖涼..但佢都是唔敢...冇野講~~
這幾天可能是吃0的奶粉熱氣, 又飲唔夠水, (佢阿媽話佢唔肯飲), 結果這2天飲奶都有嘔奶0既情況出現..(因佢無大大), 谷埋谷埋, 咪由個口到噴返出來lor..所以呢2日都好扭計, 要人抱住來瞓, 一擺落床就醒..真是比佢激死...我已叫佢阿媽同我阿媽, 係餐與餐之間比水佢飲架了..比0的耐性氹佢lor..哎...真是無講錯..要養大一個小朋友真是唔易架..除咗金錢, 所花的精神同時間...真是非筆墨可形容..
唔怪得0的阿媽0既口頭禪是: 枉我棉幹碎濕咁揍大你..而家有毛有翼識飛了/而家有老婆唔使理阿媽了.. (話緊你啊..哈哈~~)
各位..記住要好好孝順阿媽啊...要揍到我地咁牛高馬大..真是少0的心機都唔掂啊...
嘻嘻~~點解生日講d咁0既野呢??....祝你心想事成!...身體健康!
