琴日去咗做OSCAR, 未檢查前真是好緊張...一路等一路亂諗野..而見到其他媽咪都是差唔多..

大部份都是由老公陪伴一起前來檢查...只有少數是由朋友/親人陪伴, 亦有人單獨前來..好明顯睇到佢地0既擔憂同落寞...所以在產檢時有另一半0既陪伴真是爭好遠...

琴日2點到達, 先填咗份FORM, 都是一般資料同病歷史果D野, 然後睇帶, 是講解點解有需要做OSCAR0既原因..然後就等姑娘叫名講解做OSCAR測試0既方式同準確度,  再之後你選擇咗檢查0既方式就見醫生幫你開始做OSCAR了..照超聲波度頸皮厚度, 抽血..

照超聲波時, 醫生搞咗好耐, 嚇死我..(而其實都唔算耐, 可能是我緊張同心急), 終於睇到我個心肝了..好開心啊..BB好活躍, 手舞足蹈..由其隻手系咁揮...我好感動同開心..到果刻個心先開始定D...再加上睇到BB心跳..真是開心到難以形容...我老公仲開心到企咗起身, 想行埋D個MON到睇BB..仲比醫生笑添...度咗頸皮是2.1mm, 醫生話好OK..2.5以下都是一個唔錯0既數據..仲算放咗1半心..然後出去抽血同磅重...我琴日磅大約是108磅, 而家等抽血報告, 大概2個星期會寄去家中..TOUCHWOOD有事, 姑娘會提早打電話來..希望一切順利啦...

BB你要同媽咪一起加油啊..記住爸爸同媽咪都是好愛你架...你要健康啊...I love u my sweet heart!